ނޫރާއާ ވަކިވުމަށްފަހު ފާއިތުވި އަހަރުތަކަކީ އަރާޝްއަށް ވަރަށް ބުރަ މަސައްކަތާއި ހިތްވަރުން ފުރިފައިވާ ދުވަސްތަކެކެވެ. އޭނާގެ ކޮންމެ ދުވަހަކީވެސް އަމިއްލަ ނަފްސު ކުރިއެރުވުމަށްޓަކައި ކުރި މަސައްކަތެކެވެ. ނޫރާގެ ހަނދާންތަކާއި އޭނާގެ ބައްޕަ އިސްމާޢީލް ބޭގެ އަވަމާން ކުރި ލަފުޒުތައް އޭނާގެ ހިތުގައި އަބަދުވެސް އޮތީ ހިތްވަރުދޭ ބާރެއްގެ ގޮތުގައެވެ. އޭނާ ފެށި ކުޑަ ވިޔަފާރި މަޑުމަޑުން ބޮޑުވެ ކުރިއަރަމުން ދިޔައެވެ. ރެޔާއި ދުވާލު ނިދިނަސް އޭނާ މަސައްކަތް ކުރިއެވެ. އޭނާގެ ހިތުގައި އޮތީ ނޫރާގެ ހުވަފެނާއި އޭނާގެ ލޯބި އަނބުރާ ހޯދުމުގެ އަޒުމެވެ. އެތައް ދަތިތަކަކާ ކުރިމަތިލާން ޖެހުނެވެ. ބައެއް ފަހަރު އޭނާގެ ހިތްވަރު އެލުނު ނަމަވެސް އޭނާ ދުވަހަކުވެސް ހުއްޓައެއް ނުލައެވެ.
އަހަރުތަކެއް ފާއިތުވެ ދިޔައިރު އަރާޝް ވަނީ ކާމިޔާބު ވިޔަފާރިވެރިއަކަށް ވެފައެވެ. އޭނާގެ ކުންފުނި ވަނީ އެ ގައުމުގެ އެންމެ ބޮޑެތި ކުންފުނިތަކުގެ ތެރޭގައި ހިމެނިފައެވެ. އޭނާގެ ނަން މުޖުތަމަޢުގައި މަޝްހޫރުވެ ގިނަ ބަޔަކު އިޙްތިރާމްކުރާ ޒުވާނަކަށް ވެއްޖެއެވެ. އޭނާގެ ކާމިޔާބީގެ ވާހަކަ މުޅި ގައުމުގައި ދެކެވުނެވެ. އޭނާއަށް ކުރިން ފުރަގަސްދިން މީހުންވެސް މިހާރު އޭނާއަށްޓަކައި ފަޚުރުވެރިވެއެވެ. އޭނާގެ ލޯތްބާއި ކެތްތެރިކަމަށްފަހު އެންމެ ފަހުން އޭނާ އެދެމުން އައި ދުވަސް އަތުވެއްޖެއެވެ. އެއީ ނޫރާގެ އާއިލާއާ އަލުން ބައްދަލުކޮށް ނޫރާގެ އަތަށް އެދި އޭނާގެ ލޯބި އަނބުރާ ހޯދުމުގެ ވަގުތެވެ.
އާ ހިތްވަރަކާއި ޔަގީންކަމަކާއެކު އަރާޝް އަނެއްކާވެސް ނޫރާގެ އާއިލާގެ ގާތަށް ދިޔައެވެ. އެފަހަރު އޭނާ ދިޔައީ އާދައިގެ ޒުވާނެއްގެ ގޮތުގައެއް ނޫނެވެ. އޭނާ ދިޔައީ އޭނާގެ އަމިއްލަ މަސައްކަތުން ކާމިޔާބު ހޯދާފައިވާ އޭނާގެ ބަސްތަކަށް އިޙްތިރާމް ލިބިފައިވާ ޒުވާނެއްގެ ގޮތުގައެވެ. އޭނާ އިސްމާޢީލް ބޭގެ ގާތަށް ގޮސް ނޫރާއަށްޓަކައި އޭނާގެ ހިތުގައިވާ ލޯބި އަލުން ހާމަކުރިއެވެ. "އިސްމާޢީލް ބޭ... ތިބޭފުޅު ކުރިން އަޅުގަނޑަށް އެކަމާ ނުގަބޫލުވެ އަޅުގަނޑު އަވަމާން ކުރެއްވިއެވެ. އެކަމަކު އަޅުގަނޑުގެ ހިތުގައި ނޫރާއަށްޓަކައި އޮތް ލޯބި ދުވަހަކުވެސް ފަނޑުވެގެން ނުދެއެވެ. އަޅުގަނޑު ހުރިހާ ދަތިކަމެއް ގިރާކޮށް މިހުރީ ނޫރާއާ ގުޅުމުގެ ހުއްދައަށް އެދި." އަރާޝްގެ ލަފުޒުތަކުގައި ހުރީ ވަރުގަދަ އަޒުމާއި ތެދުވެރިކަމެވެ. އޭނާގެ ހިތުގައިވާ ލޯބި ސާފުކޮށް ފެންނަން ހުއްޓެވެ. އިސްމާޢީލް ބޭގެ ޖަވާބަކަށް އަރާޝް އިންތިޒާރުކުރަމުން ދިޔައީ ނުތަނަވަސްކަމާއެކުގައެވެ. މިއީ އެތައް އަހަރެއްގެ އިންތިޒާރަށްފަހު ލިބުނު އާ ފުރުޞަތެކެވެ.
8ބައި 8 / 10