❤️
💕
ކެޓެގަރީތައް
އެންމެ ފަހުގެ ވާހަކަތައް
ޖުމްލަ: 10 ވާހަކަ
ދިގު އިންތިޒާރު
މިއީ އަރާޝް އާއި ނޫރާ ހިތްގައިމު ލޯބީގެ ވާހަކައެކެވެ. އެމީހުންގެ ގުޅުން ފެށިގެން ދިޔައީ އުފާވެރިކަމާއި އެކުގައެވެ. ނަމަވެސް އެމީހުންގެ ލޯބީގެ މަގަށް އާއިލީ އަދި އިޖުތިމާޢީ ހުރަސްތަކެއް ކުރިމަތިވިއެވެ. އެތައް ދަތިތަކަކަށްފަހު އެމީހުންގެ ލޯބީގެ އަޒުމް ވަރުގަދަވެ ދިރިއުޅުމުގެ ހުރަސްތައް ގިރާކުރެއެވެ. ނަމަވެސް އެކުގައިވުމުގެ ފުރުސަތެއް ލިބޭނެހެތްޔެވެ.
ހިތެއްގެ އަގު
އިހުމާން އަކީ އޭނާގެ ރީތިކަމާއި މުއްސަނދިކަމުގެ ބޭނުންކޮށް އަންހެން ކުދިންގެ ހިތްތަކާ ކުޅުމަކީ އުފަލެއް ކަމުގައި ދެކޭ ޒުވާނެކެވެ. އޭނާގެ ލޯބީގެ ދަލުގައި އެތައް ކުދިންނެއް ޖައްސައި އެ ކުދިންގެ ދިރިއުޅުން އަނދިރިކަމުގެ ތެރެއަށް ދޫކޮށްލުމަކީ އޭނާގެ އާދައެކެވެ. ނަމަވެސް އޭނާގެ ހަޔާތަށް އަންނަ އާ ޒުވާނާ އޭނާގެ ކުރީގެ ޝިކާރަތަކާ މުޅިން ތަފާތެވެ. މިފަހަރުގެ ކުޅިގަނޑުން އޭނާގެ މުޅި ދިރިއުޅުން ބަދަލުވެ ޝިކާރަވެރިޔާ އަމިއްލައަށް ޝިކާރައަކަށް ވެދާނެ ހެއްޔެވެ؟
ފިލާ ހިނިތުންވުން
އަނިޔާވެރި ބައްޕައެއްގެ ބިރުވެރި ދިރިއުޅުމަކުން ނަސީމްއަށް ރައްކާތެރި މާޙައުލެއް ހޯދައި ދިނުމަށް އޭނާ ގެ އެކުވެރިޔާ އެހީވާ ގޮތުގެ ވާހަކައެވެ.
ހުވަފެނީ ލޯބި
މިއީ ޔުނިވާސިޓީގެ ލައިބްރަރީގެ ހިމޭންކަމުގެ ތެރެއިން އުފަންވި ލޯބީގެ ވާހަކައެކެވެ. އެއީ ހިތުގެ ފުނުގައި އެހެން މީހަކަށް ނޭނގި ސިއްރުން ގިނަވަމުން އައި އިޙްސާސްތަކެއްގެ ވާހަކައެވެ. މި ވާހަކައިން ދައްކުވައިދެނީ ޒޯޔާގެ އަތުން ގެއްލިގެންދާ ފުރުސަތުތަކުގެ ތެރެއިން ކުރެވޭ ލޯބީގެ ޖަޒުބާތީ ދަތުރެކެވެ. ޚިޔާލުގައި ކުރަހާފައިވާ ފުރިހަމަ ލޯބި ހަޤީޤަތާ ކުރިމަތިލާ ހިނދު ވާނީ ކިހިނެއްބާއެވެ.
އޮންލައިން ދަންތުރަ
އުމުރުން 15 އަހަރުގެ މަލްޝާގެ ދިރިއުޅުމަކީ އޭނާގެ އޮންލައިން ދުނިޔެ ފަދައިން އުޖާލާވެފައިވާ އުފާވެރި ދިރިއުޅުމެކެވެ. ނަމަވެސް އެންމެ ކްލިކަކުން އޭނާގެ އެންމެ ގާތް އެކުވެރިޔާ ކަމުގައިވި ފޯނު އޭނާގެ އެންމެ ބޮޑު ދުޝްމަނަށް ބަދަލުވެއެވެ. ނޭނގޭ ހިޔަންޏެއް އޭނާގެ މުޅި ދިރިއުޅުން ކޮންޓްރޯލް ކުރަން ފަށައެވެ. އޭނާގެ ހިތުގައިވި ބިރުވެރިކަން ފޮރުވަމުން ދިޔަ ވަރަކަށް އޭނާ ގެނބެމުން ދިޔައެވެ.
ހިތް ދެނެގަތް ވަގުތު
ފަންނާނެއްގެ ހިމޭން ދިރިއުޅުމުގެ ކެންވަހަށް އާ ކުލައެއް އިތުރުވެއެވެ. އާ މެހެމާނެއްގެ އައުމާއެކު އެތައް ދުވަސްވީ ރަހުމަތްތެރިކަމުގެ އިމްތިޙާނު ކުރެވެއެވެ. ހިތް ދެ މަގެއްގެ މެދުގައި ތާށިވެ އުނދަގޫ އިޚްތިޔާރަކަށް މަޖުބޫރުވެއެވެ. އެއްކޮޅުގައިވަނީ އަބަދުވެސް ކައިރީގައިވި ފުން އަދި ހިމޭން ލޯތްެކެވެ. އަނެއްކޮޅުގައިވަނީ ހިތްއަވަސްކުރުވި އާދަޔާ ޚިލާފު އާ ހުވަފެނެކެވެ. އޭނާގެ ހިތުގެ ހަގީގީ މަންޒިލަކީ ކޮބައިކަން ނިންމުމުގެ ވަގުތު ޖެހެއެވެ.
އެކުވެރި ކަމުގެ ދަތުރު
ވަރަށް ގާތް ހަތް އެކުވެރިން އެމީހުންގެ އެކުވެރިކަން ފާހަގަކުރުމަށްޓަކައި ރީތި ފަޅުރަށަކަށް އުފާވެރި ޕިކްނިކް ދަތުރެއް ދެއެވެ. އެމީހުން އެރަށަށް ގޮސް ގޮނޑުދޮށުގައި ކުޅިވަރު ކުޅެ އެކުއެކީގައި އުފާވެރި ވަގުތު ހޭދަކުރެއެވެ. ނަމަވެސް އެމީހުންގެ އުފާވެރި ދުވަސް ކުއްލި ގޮތަކަށް ބިރުވެރި ހާދިސާއަކަށް ބަދަލުވެއެވެ. އެ ހާދިސާއާއެކު އެމީހުންގެ ހުނުމުގެ އަޑުތައް ގިސްލުމާއި ކަރުނައަށް ބަދަލުވެ ޖަވާހިރެއް ފަދަ ރީތި ރަށް އެމީހުންނަށްޓަކައި ހިތާމައިގެ ތަނަކަށް ވެއެވެ. އެއީ އެމީހުންގެ އެކުވެރިކަމަށް ފޫނުބެއްދޭނެ ޒަޚަމެއް ދީ އެމީހުންގެ ހަޔާތުގެ މިސްރާބު އަބަދުގެ އަބަދަށް ބަދަލުކޮށްލި ދަތުރެކެވެ.
އުޑުން ވެއްޓުނު ތަރި
މިއީ އުޑުމަތިން ވެއްޓި ދުނިޔެއަށް އައި 'ސަމާ' ނަމަކަށް ކިޔާ ތަރިއެއްގެ ވާހަކައެކެވެ. ރާއްޖޭގެ ރީތި ގޮނޑުދޮށަކަށް ވެއްޓުނު މި ތަރި ފުރަތަމަ ފެންނަނީ ކުޑަކުޑަ ކަކުންޏަކަށެވެ. އޭގެ ފަހުން އައިމިނަ ނަމަކަށް ކިޔާ އަންހެން ކުއްޖަކަށްށެވެ. އެ ތަރި ފެނި އޭގެ ހާލު އެނގި އަނބުރާ އުޑުމައްޗަށް ފޮނުވާލުމަށް އެހީތެރިވެދެއެވެ. މިއީ ހިތްހެޔޮކަމާއި އެހީތެރިކަމުގެ ރީތި ވާހަކައެކެވެ.
ނަވާލް ގެ ޤުރުބާނީ
މިއީ ހިތްވަރުގަދަ ނަމަވެސް އެކަނިވެރި ފިރިހެނަކާއި އޭނާގެ މާޒީގެ އަސަރު ހިތުގައި ބާއްވައިގެން އުޅޭ އަންހެނެއްގެ ވާހަކައެެވެ. އެ ދެމީހުންގެ ދިރިއުޅުން ތަފާތު ނަމަވެސް ނަސީބު ގުޅުވައިލި ބައްދަލުވުމަކަށް ފަހު އެ ދެމީހުންގެ މެދުގައި ލޯބީގެ ގުޅުމެއް އުފެދުނެވެ. ނަމަވެސް ހަސަދަވެރިކަމާއި އޮޅުވާލުމުގެ ސަބަބުން އެ ދެމީހުންނަށް ދުރުވާން މަޖުބޫރުވެއެވެ. ގިނަ އަހަރުތަކެއްގެ ވަކިވުމަކަށް ފަހު ހަޤީގަތް ހާމަވެ ދެމީހުން އަނެއްކާވެސް ބައްދަލުވެއެވެ.
ބަދަލު
ހަމަޖެހިފައި އޮތް ދިރިއުޅުމަކަށް ކުއްލިއަކަށް ބީރައްޓެހި އަޑުތަކަކާއި ގެއްލުންތަކެއް ކުރިމަތިވެއެވެ. ލޯބިވާ މީހުން ގެއްލިގެން ދިއުމުން ލިބިފައިވާ ވޭނާއި، ހަގީގަތް ހޯދުމުގެ މަސައްކަތުގެ ތެރެއިން ނުފެންނަ ބާރުތަކެއްގެ ބަދަލުހިފުމުގެ ކަންތައްތަކެއް ހާމަވެގެންދެއެވެ. ކުރެވުނު ކުށުގެގެ ނަތީޖާއެއްގެ ގޮތުން ދިރިއުޅުމުގެ އެންމެ އަގުބޮޑު ހަނދާންތައް ވެސް ފޮހެވި ނިމުމެއްނެތް ހިތާމައިގެ ތެރެއަށް ގެނބިގެންދެއެވެ.